Hardanger er området som omkransar Hardangerfjorden og startar ytterst i vest med kommunen Kvam. Fjella i Kvam er kjend for flotte toppturar med panoramautsikt i kombinasjon med fjordutsikt. Rundt tettstadane Øystese, Norheimsund og Tørvikbygd ligg toppar som er populære blant lokalbefolkninga, og med god grunn siden desse spektakulære turane har flott utsyn over Hardangerfjorden og Folgefonna.
I Kvam utfører me guida topptur med lokalkjende guidar til blant anna Tørvikanuten, Vesoldo, Tveitakvitingen, Byrkjefjell, Geitafjell, Torefjell, Skrott, Manfjell, og Fagraseteeggi - Alle med topper på 1000-1350 moh. Alle våre toppturar er skreddarsydd etter gruppas ønskjer, ferdigheiter, behov og dagsaktuelle høve teke omsyn til snø og skredfare.
Kvar guide ta med seg eit følgje på 6-8 personar, og me går aldri meir enn to følgjer saman på tur.
