RIB-TURAR

Frå våre basar i Norheimsund og Øystese gjennomfører vi RIB-safari til fjordarmen Fyksesund, den smalaste delen av heile Hardangerfjorden. I snøsmeltingsperioden og på regnvêrsdagar kan ein oppleve fleire imponerande fossefall på nært hald.

Båtturane frå vår base i Ulvik går hovudsakleg til fjordarmane Osafjord, Eidfjord og Simadalsfjord. Desse områda byr på storslått fjordlandskap omkransa av høge fjell.

Vi tilbyr også private fjordturar med RIB og charter frå alle tilgjengelege hotell og langs heile Hardangerfjorden.

Kva er ein RIB?
Ein RIB, eller «rigid inflatable boat», er eit svært stødig fartøy som kombinerer eit solid, fast skrog med oppblåsbare pontongar. Denne hybride designen gjev ei jamn og behageleg reise under mange slags sjøforhold – perfekt for familiar, fotografar, dyrelivsentusiastar eller alle som ønskjer ei uforgløymeleg oppleving på Hardangerfjorden. Båtane våre har 12 polstra salsete, og med 600 hestekrefter under panseret kan du suse over fjorden i opp til 50 knop, vinden i håret og eit smil om munnen.

Likevel byr RIB-turane våre på meir enn berre heftige fartsopplevingar. Dei opnar døra til Hardangerfjorden sine gøymde perler – stader ein ikkje kan nå frå land. Gli forbi avsidesliggjande strender, utforsk urørte viker, og kom tett på det mangfaldige livet i fjorden. Det er ei spanande og altoppslukande reise som viser fram den storslåtte skjønnleiken i den ikoniske Hardangerfjorden.

RIB-turar frå Øystese og Norheimsund

Desse to nabobygdane ligg ved Hardangerfjorden, berre 7 km frå kvarandre. Begge er lett tilgjengelege med offentleg transport (80-90 minutt) frå Bergen eller Voss. Reisa i seg sjølv er ei flott oppleving!

Basane våre er på Thon Hotel Sandven i Norheimsund og Hardangerfjord Hotell i Øystese, der me tilbyr båtturer med RIB, guida fotturar og ulike kombinasjonsturar.

 Øystese på Google maps            Norheimsund på Google maps

RIB-safari frå Ulvik

I nordenden av Hardangerfjorden, mellom bratte fjell og frodige frukthagar, finn du bygda Ulvik. Frå mai til september har vi base på Brakanes Hotel, som ligg idyllisk til ved fjorden. Her tilbyr vi RIB-turar på til fjordarmene Osafjord og Simadalsfjord.

Ulvik kan nåast med offentleg transport frå Voss (cirka 45 minutt), men det er få avgangar, så det er lettare å kome hit med bil frå nærliggande stader som Voss (45 minutt), Eidfjord (30 minutt) eller Kinsarvik (35 minutt).

Ulvik på Google Maps

Private båtturar frå andre hamnar/hotell

Me tilbyr private RIB-safari frå alle tilgjengelege hotell og langs Hardangerfjorden.

Ei personleg Hardangerfjord-oppleving

Ynskjer du noko heilt spesielt? Fortel oss kva du ser for deg, så tilpassar vi turen etter dine interesser – anten du vil fotografere storslagne fjordutsikter, leite etter det lokale dyrelivet, eller berre nyte den rolege stemninga i Hardangerfjorden sine bortgøymde perler. Uansett kva du drøymer om, skapar vi den perfekte RIB-safarien, fjordcruiset eller båtturen for at Hardangerfjord-draumane dine skal bli røyndom.