Fjord- og fruktsafari

Fjordsafari med RIB, vandring i flotte frukthagar og eplemost-/sidersmaking!

Fjord- og fruktsafari (3 timar)

Pris frå kr. 1.490,- inkl. mva per pers.

(Gruppebestilling eller booking på oppsette tider)

RIB-tur frå Øystese inn mellom dei bratte fjellsidene i fjordarmen Fyksesund. På veg tilbake går man i land på den idylliske og tradisjonsrike Steinstø fruktgard ytterst i fjordarmen. 

Frukta i Steinstø veks i sørvendte, bratte bakkar med lang solgange og rikt jordsmonn. Dette gjev frukta ein særeigen sødme og aroma. 

Turen startar ved Hardangerfjord Hotel etter påkledning, og ein kort gjennomgang av sikkerheit.

Turen går inn Fyksesund som er ein eventyrleg vakker fjordarm midtvegs i Hardangerfjorden. Fyksesund er visuelt flott, og den indre delen av fjorden har svært bratte og høge fjellsider. Innst i Fyksesund ligg dei veglause bygdane Botnen og Flatabø. Det vert fleire stopp tett opptil land og fossefall undervegs for å oppleve naturen og livet langs fjorden.

På veg tilbake me set kursen mot Steinstø ved starten av Fyksesund. Ved Steinstø stoppar me og vitjar den idylliske og tradisjonsrike Steinstø Fruktgard i fredelege omgjevnader ved den vakre Hardangerfjorden. Der vert ein teke med på guida tur av fruktbonden sjølv gjennom frukthagen der ein får servert historia om garden og korleis den vert dreven i dag.

Etterpå går ein ned i gardsrestauranten “Kjedlaren” der ein får servert fingermat/tapas,  smaka på nyplukka frukt/bær og fleire av gardens eigenproduserte eplemost/sider.

Garden har ein særeigna sødme og aroma i sine eple som gjenspeiglar seg òg i smaken på eplemosten og sideren.

Retur via Kvamsøy tilbake til Øystese.

@Steinstø fruktgard

Bestill denne turen

Pin It on Pinterest